በመላው ጀርመን ለምትገኙ ኢትዮጵያውያን በሙሉ! ባለፉት አያሌ ዓመታት በሃገራችን በነበረው ዘር ተኮር ፖለቲካና ጠባብ የወያኔ አስተሳሰብ ሳቢያ፣ ብዙሃኑ ኢትዮጵያዊና ትውልደ ኢትዮጵያዊው ማህበረሰብ እንደጠላት ሲቆጠርና የተለያዩ በደሎችና መድሎዎች ሲደረጉበት እንደቆየ ይታወቃል። የዜግነት መብቱን በመንፈግበህይወቱ ቀርቶ አስከሬኑ እንኳ ወደ እናት ሃገሩ እንዳይገባ እስከመከልከል የደረሰ የማናለብኝና የእብሪት ተግባር ሲፈጸምበት እንደነበር የቅርብ ትውስታችን ነው። ይህም ሃላፊነት የጎደለው ፀያፍ ተግባር፣ ኢትዮጵያዊው ማህበረሰብ በያገባኛል ሃገራዊ ቀና መንፈስ፣ በሁለገብ ልማትምሆነ በሃገር ግንባታው ዘርፍ ሊያደርገው የሚገባውን ከፍተኛ አስተዋጽኦ፡ (ከወያኔ ሥርዓት ደጋፊዎች በስተቀረ) አምክኖት ቆይቷል። በሀገራችን የዜጎች መብት እንዲከበር፣ ፍትህና እኩልነት እንዲረጋገጥ፣ ዲሞክራሲ እንዲሰፍን፣ ዲያስፖራው በጽኑ ሲታገል መቆየቱ ግን እውን ነው። ከዚህ አንጻር፣ ይህ የለውጥ አየር በሃገራችን እንዲነፍስ የተጫወተው ቀዳሚ ሚና በታሪክ ከፍተኛ ሥፍራ ያለው ነው። አሁንምቢሆን፣ ይህን የተፈጠረውን ታሪካዊ የለውጥ አጋጣሚ በመጠቀም፣ ሃገራዊ ስር-ነቀል ለውጥና እድገት እንዲረጋገጥ ይበልጥ የተቀናጀና የተጠናከረ የሲቪክ ማህብረሰብ እንቅስቃሴ (Mass activism) ማድረግ እጅግ አስፈላጊ እንደሆነ በመረዳት፦ መላው በጀርመን የሚኖረው የዲያስፖራው ማህበረሰብ ከማንኛውም የፖለቲካ ድርጅት፣ የዘርና የሃይማኖት ወገንተኝነት ሳይለያይ፣ ነጻና ገለልተኛ በሆነ መልኩ ሁሉን አስተባብሮ የሚመራና የሚወክል አካል ስለሌለ፣ በማንኛውም ህዝባዊና ሃገራዊ ጉዳይ ያገባኛል በሚልኢትዮጵያዊ የብዝሐ-አንድነት ታሪካዊ ሃላፊነት መንፈስ፣ ሁሉም ወገን ቀጥተኛ ተሳትፎና አስተዋጽኦ እንዲኖረው ለማስቻል፣ አንድ ጊዜያዊ አስተባባሪ ግብረ-ሃይል (Task force) በቅርብ በጀርመን ተቋቁሞ እነሆ በማስተባበር ላይ ይገኛል። ይህንንም በማስመልከት በቅርብ ቀንህዝባዊ ስብሰባ የምንጠራ መሆኑን አስቀድመን መግለጽ እንወዳለን። ስለሆነም፣ ለሃገር ቀና የሚያስብ ኢትዮጵያዊና ትውልደ ኢትዮጵያዊ ሁሉ! በቀና እና በንጹህ ሃገር ወዳድነትና ተነሳሽነት መንፈስ፣ ከምንግዜውም በላቀ ደረጃ፣ እውቀቱን፣ ልምዱን፣ ሃብቱንና ጊዜውን በመጠቀም አቅሙ በፈቀደ ሁሉ ሀገርን በመታደግ ተግባር ላይ እንዲረባረብናዜግነት ድርሻውን አብሮን እንዲወጣ የከበረ ጥሪ እናቀርባለን። ጊዜያዊ አስተባባሪ ግብረሃል! ጁን፡ 22.6.2019 ዓ.ምፍራንክፈርት-ጀርመን Read more »

Ambassador Mulu Solomon Bezuneh Presents Letter of Credence=============================================H.E. Mulu Solomon Bezuneh, Ambassador Extraordinary and Plenipotentiary of the Federal Democratic Republic of Ethiopia to the Federal Republic of Germany, has presented […] Read more »